ایران سے امریکی ہواباز کو طبی امداد کیلئے کویت منتقل کردیا گیا ہے، نیویارک ٹائمز

2 ٹرانسپورٹ طیارے تباہ ہونے کے باعث ریسکیو مشن تاخیر کا شکار ہوا، نیویارک ٹائمز

ایران سے امریکی پائلٹ کو کویت منتقل

نیویارک ٹائمز کے مطابق ایران میں گرنے والے امریکی پائلٹ کو ریسکیو کے بعد طبی امداد کیلئے کویت منتقل کر دیا گیا ہے۔

ریسکیو مشن میں تاخیر کی وجہ

رپورٹ کے مطابق دو ٹرانسپورٹ طیارے تباہ ہونے کے باعث ریسکیو مشن میں تاخیر ہوئی، جبکہ کمانڈوز کو نکالنے کیلئے مزید تین طیارے ایرانی حدود میں اتارے گئے۔

خفیہ حکمت عملی اور جعلی آپریشن

امریکی فوج نے ایرانی فورسز کو دھوکا دینے کیلئے جعلی ریسکیو آپریشن بھی کیا۔ ابتدا میں پائلٹ کی لوکیشن معلوم نہیں تھی، تاہم وہ مسلسل اپنی پوزیشن بدلتا رہا۔

پہاڑی علاقے میں مشکل حالات

رپورٹ کے مطابق پائلٹ ایک پہاڑی علاقے میں اترا اور ایک موقع پر اسے 7 ہزار فٹ بلندی تک چڑھنا پڑا تاکہ خود کو محفوظ رکھ سکے۔

فضائی مدد اور واپسی

امریکی فضائیہ نے مسلسل بمباری کر کے ایرانی فورسز کو دور رکھا، جبکہ واپسی سے قبل ناکارہ امریکی طیاروں کو تباہ کردیا گیا۔