گزشتہ ہفتے 28 اشیائے ضروریہ کی قیمتوں میں اضافہ ریکارڈ
پیٹرولیم مصنوعات کی قیمتیں بڑھنے کے باعث ہفتہ وار مہنگائی میں تقریباً 2 فیصد کا بڑا اضافہ ہوگیا ۔ مہنگائی 19 ماہ کی بلند ترین سطح 12.15 فیصد کے ڈبل ڈیجیٹ میں پہنچ گئی ۔ گزشتہ ہفتے 28 اشیائےضروریہ کی قیمتوں میں اضافہ ریکارڈ کیا گیا۔
پیٹرولیم مصنوعات کی قیمتوں میں اضافے نے مہنگائی کو ٹاپ گیئر لگا دیا۔ گزشتہ ہفتے میں مہنگائی تقریباً 2 فیصد بڑھ کر دوبارہ 2 ہندسوں تک جا پہنچی۔ سالانہ بنیاد پر مہنگائی 12.15 فیصد ریکارڈ کی گئی۔ ایک ہفتے میں ڈیزل 54.71 فیصد ، پیٹرول 18 فیصد اور ایل پی جی 8.61 فیصد مہنگی ہوئی۔
وفاقی ادارہ شماریات کے مطابق گزشتہ ہفتے 28 اشیائے ضروریہ کی قیمتوں میں اضافہ ہوا ۔ ٹماٹر 9.35 فیصد اور آلو 4.13 فیصد تک مہنگے ہوئے۔ پیاز 3.84 فیصد اور انڈوں کے دام 3.77 فیصد بڑھ گئے ۔۔۔۔ جبکہ بیف ، مٹن اور بریڈ بھی مہنگی ہونے والی اشیا میں شامل ہیں۔
رپورٹ میں بتایا گیا ہے کہ سالانہ بنیاد پر پیاز کے نرخ 38 فیصد تک بڑھ گئے ۔ ایک سال میں گندم کا آٹا 30 فیصد سے زائد مہنگا ۔ سرخ مرچ کی قیمت میں 15.20 فیصد ، مٹن 15 فیصد ، بیف 14 فیصد اور خشک دودھ کے بھاؤ میں 10.23 فیصد اضافہ ہوا ۔ سالانہ بنیاد پر ڈیزل 101فیصد اور پیٹرول 49فیصد مہنگا ہو چکا ۔ ایل پی جی کی قیمتیں 66 فیصد اور گیس چارجز 30 فیصد تک بڑھے ۔
