17 اور18 اپریل کےدوران شمالی علاقوں،پنجاب میں بارش اور ژالہ باری کا امکان
نیشنل ڈیزاسٹر مینجمنٹ اتھارٹی (این ڈی ایم اے) نے ملک کے مختلف حصوں میں مزید بارشوں اور ژالہ باری کا الرٹ جاری کر دیا ہے۔
ترجمان این ڈی ایم اے کے مطابق 17 اور 18 اپریل کے دوران پنجاب اور شمالی علاقوں میں بارش اور ژالہ باری کا امکان ہے، جبکہ خیبرپختونخوا کے مغربی علاقوں اور بلوچستان کے شمالی حصوں میں بھی بارش اور ژالہ باری متوقع ہے۔
ترجمان کا کہنا ہے کہ گلگت بلتستان اور کشمیر میں موسلادھار بارش کا امکان ہے، جبکہ اسلام آباد اور پنجاب کے مختلف اضلاع میں بھی بارش متوقع ہے۔
این ڈی ایم اے کے مطابق بلوچستان کے مختلف علاقوں میں آندھی اور جھکڑ کے ساتھ بارش کا امکان ہے، شہری احتیاطی تدابیر اختیار کریں۔
