مالی سال کے دوران مجموعی ترسیلاتِ زر 41.6 ارب ڈالر تک پہنچ گئیں
بیرونِ ملک مقیم پاکستانیوں نے مالی سال 2025-26 کے دوران وطن بھیجی جانے والی ترسیلاتِ زر کا نیا تاریخی ریکارڈ قائم کر دیا۔
اسٹیٹ بینک آف پاکستان کے مطابق مالی سال کےدوران مجموعی ترسیلاتِ زر 41.6 ارب ڈالر تک پہنچ گئیں، جو گزشتہ مالی سال کے مقابلے میں 8.6 فیصد زیادہ ہیں،جون 2026 کے دوران اوورسیز پاکستانیوں نے 3.5 ارب ڈالر وطن بھیجے، اگرچہ ماہانہ بنیاد پر ترسیلاتِ زر میں 18 فیصد کمی ریکارڈ کی گئی،تاہم سالانہ بنیاد پر ان میں 2 فیصد اضافہ ہوا۔
اعداد و شمار کےمطابق جون میں سب سے زیادہ ترسیلاتِ زر سعودی عرب سے موصول ہوئیں، جہاں سے 83 کروڑ ڈالر پاکستان بھیجے گئے،متحدہ عرب امارات سے 79 کروڑ ڈالر، برطانیہ سے 51 کروڑ 50 لاکھ ڈالر جبکہ امریکہ سے 30 کروڑ ڈالر وطن منتقل کیے گئے۔
وزیراعظم شہبازشریف نےگزشتہ برس کےمقابلےمیں زیادہ ترسیلات زر بھیجنے پر سمندر پار پاکستانیوں سے اظہارتشکر کیا ہے،کہا 2025-26میں سمندر پارپاکستانیوں نے41.6ارب ڈالرکی ترسیلات زر بھیجیں جس پرانکےمشکور ہیں،ترسیلات زر میں 8.6فیصداضافہ سمندر پار مقیم پاکستانیوں کا حکومتی پالیسیوں پراعتماد کا مظہر ہے،
وزیرِ اعظم نےمزیدکہا سمندرپارمقیم پاکستانی ہمارا قیمتی سرمایہ ہیں،مجھ سمیت پوری قوم کو ان پر فخر ہے،سمندر پارپاکستانیوں کی بہبودکیلئےاقدامات حکومت کی اولین ترجیحات میں شامل ہیں۔
